Khua git gai pơ ala mơnuih ƀôn sang dêh čar ta lăi pơsit, Việt Nam lăng yôm na nao bruă ngă giăng mah, ngă hrŏm lu mơta hăng Iran, sa amăng hơdôm bơnah ngă hrŏm yôm mơ̆ng Việt Nam amăng kual Trung Đông, pơdah pran jua mơak ƀuh lu boh tơhnal pơđĭ kyar hiam klă amăng bruă mă kơđi čar, pơtom hiăp, gru grua, jĕ giăm nao rai dua bơnah mơnuih ƀôn sang hơdôm thun giăm anai. Khua git gai pơ ala mơnuih ƀôn sang Iran, ơi Mohammad Bagher Ghalibaf pơdah pran jua đăo kơnang kơ bruă ngă hrŏm Việt Nam-Iran ăt kah hăng khua mua pơ ala mơnuih ƀôn sang dua bơnah dêh čar, amra ƀuh tơlơi pơđĭ kyar kơtang hloh pơ anăp anai.

Mơ̆ng anun, dua čô khua pơčrong sai hăng tŭ ư lu hơdră rơđah rơđong tum teč pioh ngă hrŏm dua bơnah kah hăng kơtưn brơi grup khua mua dua bơnah čuă jơmư trư găn nao rai, biă mă ñu khua mua pơprong hăng khua mua ding jum anom bruă wai lăng gah tơlơi bơwih ƀong huă hăng bưp nao rai khua mua djop tơring čar dua bơnah.