Ƀrô ơi Wan Muhamad Noor Matha, dưi ruah ngă khua git gai pơ ala mơnuih ƀôn sang dêh čar Thai Lan, pơ ala kơ khua mua amăng anom bruă pơ ala mơnuih ƀôn sang Việt Nam, ơi Vương Đình Huệ, Khua git gai pơ ala mơnuih ƀôn sang dêh čar ta mơ-it hră bơni hơ-ơč. Amăng hră mơ-it, Khua git gai pơ ala mơnuih ƀôn sang dêh čar pơdah pran jua hok mơak ƀuh tơlơi ngă giăng mah dua bơnah lăi hrŏm hăng bruă ngă hrŏm dua bơnah anom bruă čih pơkra tơlơi phiăn dêh čar hnun mơ̆n ƀu pơdơi ôh pơđĭ kyar, kjăp tui, jai hrơi ba glăi boh tŭ yua hloh.

Khua git gai pơ ala mơnuih ƀôn sang dêh čar, ơi Vương Đình Huệ čang rơmang ngă hrŏm ơi Wan Muhamad Noor Matha kiăng pơđĭ kơtang hloh ngă hrŏm dua bơnah sang bruă pơ ala mơnuih ƀôn sang dêh čar, pơgôp hrŏm ba tơlơi ngă giăng mah yôm phara kơplah wah Việt Nam hăng Thai Lan jai hrơi pơđĭ kyar, yua anŏ tŭ yua kơ mơnuih ƀôn sang dua bơnah, yua tơlơi rơnuk rơnua, hơđong, pơđĭ kyar amăng kual ASEAN ăt kah hăng amăng kual ASIA-Thái Bình Dương laih anun amăng rŏng lŏn tơnah hnun mơ̆n.