VOV4.Jarai-Nao čuă hăng pơpŭ thun phrâo ƀing khua mua, mơnuih mă bruă mơ̆ng Ding jum sĭ mơdrô hăng tuh tia ƀrô djơ̆ akŏ thun phrâo Nhâm Dần, ơi Vương Đình Huệ, Khua git gai pơ ala mơnuih ƀôn sang dêh čar ta rơkâo kơ Ding jum sĭ mơdrô tuh tia khom lăng yôm bruă mă akŏ pơdong ping gah tơpă rơgoh, kjăp kơtang, pơđĭ tui pran jua thâo gum pơgôp, pơsir tơlơi tơnap tap, pơđut hĭ tơlơi aka ƀu klă yak nao amăng bruă mă hăng pran kơtang phrâo; kơtưn ngă bruă pơkrem kơdeng, pơgăn anŏ phăk phai.

Laih anun lăi, thun 2022 ăt jing thun dŏ lu tơlơi lông lăng, tơnap tap pơ anăp adih, ơi Vương Đình Huệ rơkâo, anom bruă wai lăng sĭ mơdrô tuh tia pơkra ming dêh čar kiăng pơtum pok pơhai tañ hơdôm hơdră, akŏ bruă, kơčăo bruă pơtrut kơtang hloh pơhlôm, pơgang klin, tui hơdră rơnuk rơnua, hơđong, beč bal hmar pơsir ĕp lăng klin tui hăng Hră pơtrun mơ̆ng khua pơ ala mơnuih ƀôn sang dêh čar, ngă tui tŭ yua truh kih tơhnal pơkă amăng bruă mă.

Nay Jek: Pơblang