Đĭ pơhiăp amăng mông jao pri, Khua git gai pơ ala mơnuih ƀon sang dêh čar ơi Vương Đình Huệ lăi pơtong, sa amăng hơdôm tơlơi pơtrut pơsur kơtang, pơgôp hrưn đĭ kơdrưh, prong kơta, tơlơi đăo gơnang mơng Khua pơ ala mơnuih ƀon sang dêh čar hăng khul pơ ala mơnuih ƀon sang amăng hơdôm thun laih rơgao lĕ tơlơi gum pơgôp djop mơta, kjăp phik, thâo pơčeh mơng anom mă tơlơi pơhing dêh čar.

Hră pơhing dêh čar jai hrơi pơdah tơlơi yôm lĕ ƀing mơnuih pôr pơhing tui khul grup, ƀing pơtrut pơsur khul grup, ƀing pơphun khul grup, laih dong plang lăi pơthâo djop tơlơi thâo thăi hăng gơgrong hăng lŏn ia. Anai lĕ tal blung a hrơi jao pri pơphun, hơmâo 171 boh anom mă tơlơi pơhing amăng lŏn ia hăng tač rơngiao, 7 anom bruă mơng Ƀirô Khua pơ ala mơnuih ƀon sang dêh čar  hăng khul pơ ala mơnuih ƀon sang, hăng 3.328 tơlơi čih ba nao pơplông. Hơdôm tơlơi čih hơmâo pioh lu sui hrơi kơsem min, hơmâo djop mơta kơ boh tơhnal, čih tui tơlơi pơmĭn phara hăng pơplih phrâo mơng bruă mă tơlơi pơhing.