Pơhiăp ƀơi mông jơnum, Khua git gai pơ ala mơnuih ƀôn sang dêh čar ơi Vương Đình Huệ lăi, anai lĕ bruă pơtom hiăp yôm mơ̆ng Khua mua pơ ala mơnuih ƀôn sang, hơmâo Ding jum kơđi čar pơsit brơi laih, Khua git gai pơ ala mơnuih ƀôn sang kiăng hơdôm anom bruă bơdjơ̆ nao pơƀut ngă klă ƀu kơnong hơjăn Khua mua pơ ala mơnuih ƀôn sang, hlăk ai đôč ôh mơ̆, anai jing bruă pơƀuh rup lŏn ia, ană mơnuih Việt Nam.

Khua git gai pơ ala mơnuih ƀôn sang dêh čar pơtă hlâo, hrơi blan prăp lui kơ mông Jơnum ƀu lu dong tah, kiăng prăp lui tŏng ten hăng lăng glăi abih bang bruă đah mơ̆ng dưi pơphun jơnum truh kih. Khua git gai pơ ala mơnuih ƀôn sang dêh čar ơi Vương Đình Huệ kiăng, Jơnum min pơtom hiăp mơng Khua pơ ala mơnuih ƀôn sang dêh čar kơsem min hơdră ngă bruă rơgơi amăng 8 wơ̆t pơphun jơnum mơ̆ng hlâo, wơ̆t hăng gru čih pơkra, tơlơi pơkă mơ̆ng tơlơi lăi pơthâo hrŏm; ngă rơđah akŏ bruă, tơlơi jơnum mơ̆ng 4 wơ̆t jơnum bơkơtuai, pơmin hlâo anăn tơlơi lăi pơthâo hrŏm.