Pơhiăp amăng mông mă bruă, khua git gai pơ ala mơnuih ƀôn sang dêh čar ơi Vương Đình Huệ pơtrun hiăp Jơnum pơtom hiăp čih pioh tơlơi pơgôp hiăp, tañ ngă pơgiong hĭ hơdôm tơlơi pơdjơ̆ nao prăp lui klă hloh pơphun jơnum; tŭ ư him lăng pơphun jơnum amăng blan 9 thun anai.

Khua git gai pơ ala mơnuih ƀôn sang dêh čar lăi pơtong, tơhnal pơkă kơ bruă jơnum khua mua pơ ala mơnuih ƀôn sang thun hlăk ai đơ đam rŏng lŏn tơnah lĕ kiăng kơtưn tơlơi gơgrong mơ̆ng ƀing pơ ala thun hlăk ai hăng tơlơi gum hrom mơ̆ng ƀing hlăk ai amăng bruă mă pơ ala mơnuih dêh čar, ba tơbiă hơdôm tơlơi rơkâo đĭ tui hăng tơlơi ƀuh mơ̆ng hlăk ai amăng bruă mă ăt kah hăng boh yôm phun jơnum prong mơ̆ng IPU; akŏ pơdong bruă mă khul grup, gum pơgôp hăng pơđĭ tui tơlơi thâo amăng bruă mă, pok prong hơdră tŭ mă, jĕ giăm mơ̆ng hlăk ai hăng lu tơlơi đing nao phun.