Pơhiăp ƀơi mông jơnum klah čun glăi, ơi Vương Đình Huệ, Khua git gai pơ ala mơnuih ƀôn sang dêh čar lăi pơtong, kơčăo bruă tơlơi phiăn lŏn mơnai čih pơhrua glăi lơ 1/8 hơmâo čih pơtum djop hăng klah čun hơdôm tơlơi pơgôp hiăp mơ̆ng ƀing pơ ala mơnuih ƀôn sang dêh čar jơnum lok rơma phrâo rơgao, hơdôm tơlơi pơgôp hiăp mơ̆ng djop sang bruă, jơnum min gah anom bruă pơ ala mơnuih ƀôn sang dêh čar, tơlơi pơgôp hiăp mơ̆ng djop sang bruă kơnuk kơna hăng mơnuih ƀôn sang.

Khua git gai pơ ala mơnuih ƀôn sang dêh čar lăng yôm, anom bruă čih pơkra tơlơi phiăn, hơmâo čih pơhrua glăi djop yua kơnuk kơna dêh čar pô gơgrong phun. Truh ră anai, boh tŭ yua amăng tơlơi phiăn anai djop hăng djơ̆ hơdră klă laih. Khua git gai pơ ala mơnuih ƀôn sang dêh čar rơkâo kơčăo bruă tơlơi phiăn lŏn mơnai čih pơhrua phrâo anai khom pơkă djop, sa hnong huăi pơrơkua nao rai hăng tơlơi phiăn pơkŏn, boh nik ñu hơdôm tơlơi phiăn khua mua pơ ala mơnuih ƀôn sang dêh čar hlăk sem lăng, či pơsit; ƀu mă yua tơlơi phiăn anai pơ ala bruă ngă kơ tơlơi phiăn pơkŏn ôh.