Lơ 17/7, ơi Vương Đình Huệ, Khua git gai pơ ala mơnuih ƀôn sang dêh čar hrŏm hăng grup hyu mă bruă hơmâo mă bruă hăng khua apăn bruă phun ping gah tơring čar Quảng Trị. Tơdơi kơ 34 thun akŏ pơdong glăi tơring čar Quảng Trị, truh ră anai tơring čar hlăk pơblih phrâo pơđĭ kyar biă mă. Quảng Trị jai hrơi hrưn đĭ, hnong bơwih ƀong huă ƀrư̆ hrơi pok pơhư prong, djru hrŏm amăng bruă pơđĭ kyar dêh čar. Hnong pơđĭ kyar yap rơnoh pơhrui glăi abih bang GRDP mơ̆ng thun 2021-2022 hơmâo 6,9%, 6 blan akŏ thun 2023 đĭ tui 6,52%. Prăk pơhrui glăi duh jia kơnuk kơna thun 2021 hơmâo 160%, rơnoh prăk jŭ yap amăng thun 2022 dưi ngă 113%.

Bruă pok pơhai ngă tui Hră pơtrun mrô 43 mơ̆ng khua pơ ala mơnuih ƀôn sang dêh čar pơsit rơnoh prăk yua hăng prăk djru Hơdră rŭ glăi bơwih ƀong huă kơ mơnuih mơnam tơring čar laih anun Hră pơtrun mrô 11 mơ̆ng Kơnuk kơna hơmâo pok pơhai ngă tui klă. Pơhiăp amăng mông jơnum, Khua git gai pơ ala mơnuih ƀôn sang dêh čar ơi Vương Đình Huệ rơkâo khua mua git gai ping gah tơring čar Quảng Trị tañ ngă giong hră pơar pơkă hnong tơring čar mơ̆ng thun 2021-2030, pioh mă yua pơđĭ tui anŏ gêh găl mơ̆ng tơring čar; lăipơtong pơ anăp anai “anŏ kiăng rơnuk rơnua” ƀơi Quảng Trị, Khua git gai pơ ala mơnuih ƀôn sang dêh čar ơi Vương Đình Huệ lăi, jing kual lŏn tŭ lu tơlơi răm ƀăm rơnuk blah ngă amăng 2 tal hơkrŭ blah ayăt sua lŏn ia đưm, Quảng Trị jing anih kiăng lăi, anŏ kiăng prong kơ tơlơi rơnuk rơnua.