Tlam lơ 6/8, ƀơi plơi prong jưh jom Jakarta, Khua git gai pơ ala mơnuih ƀôn sang dêh čar ơi Vương Đình Huệ hăng khua mua pơ ala mơnuih ƀôn sang ding kơna khul pơlir amăng kual Ngŏ Dơnung ASIA iâu klah čun AIPA jơnum hrŏm. Ƀơi mông jơnum, Khua git gai pơ ala mơnuih ƀôn sang dêh čar ơi Vương Đình Huệ hăng khua mua pơ ala hơdôm dêh čar pơčrong sai hăng pơsit hơdră bruă mơ̆ng Khul pơ ala AIPA-44; ƀing ding kơna, hơdră jơnum ƀing đah kơmơi ngă khua pơ ala mơnuih ƀôn sang AIPA-45.

Hăng akŏ jơnum “Ƀing khua mua pơ ala mơnuih ƀôn sang djop dêh čar prăp lui bŏng kjăp hăng bruă yua kiăng ASEAN hơđong hăng kơdrưh ang”, Khul khua mua AIPA-44 hơmâo lir hơbit djơ̆ hăng tơhnal pơkă hrŏm mơ̆ng ASEAN thun anai “Sa ASEAN prong kơtang: Anih phun kơ bruă pơđĭ kyar”, amăng anun pơđĭ tui tơlơi dưi bong kjăp mơ̆ng anom bruă pơ ala mơnuih ƀôn sang ASEAN amăng kual hăng jar kmar hơmâo lu tơlơi pơblih rung răng, lăi pơtong bruă mă bưp nao rai hăng tơña bla tơdruă, kơtưn ngă hrŏm amăng bruă čih pơkra tơlơi phiăn hăng ngă tui tơlơi phiăn djru hrŏm bruă gum pơgôp hăng gơgrong phun mơ̆ng ASEAN.