VOV4.Jarai-Ƀơi sang bruă khua pơ ala mơnuih ƀôn sang dêh čar Hungary, amăng tal nao čuă dêh čar anai, Khua mua pơ ala mơnuih ƀôn sang dêh čar Việt Nam hăng Hungary jơnum bơkơtuai nao rai anŏ bruă čih pơkra tơlơi phiăn dêh čar tal pă hăng akŏ ñu “Ngă giong hơdrôm hră tơlơi phiăn pơhrŏ ƀiă anŏ ngă sat kơ rơngit adai, mă yua apui lơtrik pơkra glăi hăng ngă tui hơdră bơwih ƀong huă mơtah mơda”.

Ơi Vương Đình Huệ, Khua git gai pơ ala mơnuih ƀôn sang dêh čar ta hăng Khua git gai pơ ala mơnuih ƀôn sang dêh čar Hungary, ơi Koêver Laslô git gai hrom mông jơnum bơkơtuai kơplah wah ƀing pơ ala mơnuih ƀôn sang dêh čar, ƀing mơnuih rơgơi kơhnâo dua bơnah dêh čar, pơčrông sai tong ten mơak klă hơdôm tơlơi hlăk hơmâo, tơlơi lông lăng kiăng pơsir hĭ tui hăng hơdrôm hră tơlơi phiăn ngă pơhrŏ anŏ ngă sat kơ rơngit adai laih anun mă yua apui lơtrik pơkra mơ̆ng lŏn adai hơdjă, jơlan hơdră pơđĭ kyar hơđong kjăp, pơgang ayuh hyiăng hăng tơlơi phiăn pơkă bơwih ƀong huă mơtah mơda.

Pơhiăp amăng mông jơnum bơkơtuai, Khua git gai pơ ala mơnuih ƀôn sang dêh čar ta lăi, Việt Nam ăt amra ngă bruă hmar, kơtang hloh hăng hlom bom, đing nao pơblih bruă mă yua apui lơtrik jua angin, pơgăl mă anŏ gêh găl lŏn adai laih anun man pơdong anom bruă djơ̆ găl hăng anŏ pơblih ayuh hyiăng; lăng anai anŏ gêh găl pơtrut hơbô̆ pơđĭ kyar tui hơdră mơtah mơda, djơ̆ lăp, carbon ƀiă hăng hơđong kjăp.

Nay Jek: Pơblang