Pơhiăp ƀơi mông tŭ jum, Khua git gai pơ ala mơnuih ƀôn sang dêh čar ơi Vương Đình Huệ lăi, Việt Nam lăng yôm, pơpŭ biă, laih dơ̆ng kiăng pơtrut bruă rô nao rai hăng Khul pơlir hơbit EU, Khul sĭ mơdrô hrom EU-ASEAN kiăng pơtrut tơlơi gơgrong yôm, akŏ pơjing tơlơi đăo kơnang, djru hur har hloh kơ ƀing ngă bruă sĭ mơdrô hăng mơnuih ngă bruă sĭ mơdrô tuh pơ alin mơ̆ng EU rai pơ ASEAN lăi hrom laih anun Việt Nam hnun mơ̆n.

Khua git gai pơ ala mơnuih ƀôn sang dêh čar ta ơi Vương Đình Huệ lăi, anom bruă khua pơ ala mơnuih ƀôn sang Việt Nam, amăng tơlơi dưi pơsit čih tơlơi phiăn dêh čar, pơkra jơlan hơdră lêng kơ anăp nao yua anŏ kiăng  pơtrut pơđĭ kyar hmar hăng hơđong kjăp, pơtrut bruă mut phung jai hrơi prong mơak klă, tŭ yua kơ Việt Nam hăng jar kmar. Anai lĕ tơhnal pơkă prong hlom bom, yôm biă mă amăng 76 thun anom bruă pơ ala mơnuih ƀôn sang dêh čar hăng khua mua pơ ala tal XV anai hnun mơ̆n kiăng. Khua mua pơ ala mơnuih ƀôn sang lăng kơ anom bruă sĭ mơdrô, mơnuih ƀôn sang jing anih yôm phun pioh pơsit djop bruă jơlan hơdră pơtrun.