Kiăo tui anun, Kơ-iăng Khua dêh čar ơi Trần Hồng Hà jao Ding jum jơlan nao rai dŭ pơgiăng git gai, gum hrŏm hăng Ding jum kơčăo bruă hăng tuh pơplai hăng hơdôm ƀirô bơdjơ̆ nao pel ĕp rơkâo đĭ mơ̆ng Jơnum min mơnuih ƀôn sang tơring čar Khánh Hòa, Jơnum min mơnuih ƀôn sang tơring čar Lâm Đồng, lăi pơthâo glăi kơ Khua dêh čar hlâo kơ lơ 30/10/2024. Khua mua 2 bôh tơring čar tŭ ư rơkâo đĭ Khua dêh čar jao kơ Jơnum min mơnuih ƀôn sang tơring čar Khánh Hòa ngă ƀirô hmâo tơlơi dưi hăng Rơwang bruă PPP tuh pơplai pơkra jơlan đuăi hmar Nha Trang – Đà Lạt.

Abih bang jơlan ataih gah rơwang bruă rơbêh 80 km, amăng anun črăn găn tơring čar Khánh Hòa năng ai ñu 44km, črăn găn tơring čar Lâm Đồng năng ai ñu 36,8km. Rơwang bruă hmâo ƀơƀiă abih bang rơnoh tuh pơplai năng ai ñu 25.000 klai prăk. Hơdôm hrơi ngă tui rơwang bruă lĕ mơ̆ng thun 2024 truh thun 2028. Rơwang bruă jơlan đuăi hmar tô 2 anom tuai čuă ngui plơi prong Nha Trang – Đà Lạt pơjing amra pơtrut pơlir hơbit kual, pơđĭ kyar bơwih ƀong, pơkĕ hrŏm pơhlôm rơnuk rơnua plơi pla, pơgang lŏn ia./.