Ngă tui tơlơi klah čun mơ̆ng Kơ-iăng khua dêh čar ơi Trần Lưu Quang ƀơi mông Jơnum đơ đam dêh čar kơ bruă pơgang pơhlôm tơlơi truh lŏn adai ngă hăng hyu ĕp djru ba mơnuih bưp tơlơi truh thun 2024, tơring čar Kon Tum glăk ječ ameč hyu pel ĕp bruă prăp rơmet pơgang hlâo hơjan kơthel mơ̆ng djŏp tơring, anom bruă.
Tui hăng anun, Anom bruă git gai pơgang pơhlôm tơlơi truh lŏn adai ngă, hyu ĕp djru ba mơnuih bưp tơlơi truh wơ̆t hăng Anom bruă pơhlôm pơgang tơlơi truh tơring čar Kon Tum kiăng hơdôm boh tơring, anom bruă pel ĕp sem lăng hơdôm ring bruă yôm phun, amuñ hơmâo ia dăo, ia kuor, tơhlŏm; pel ĕp bruă prăp rơmet mơnuih mă bruă, măi mok gơnam yua tui tơlơi pơtrun “4 ƀơi anih” prăp lui kơjăp tơdah hơmâo tơlơi truh hơjan kơthel, ia dăo. Hrŏm hăng pel ĕp bruă pơhlôm pơgang tơlơi truh lŏn adai ngă hăng hyu ĕp djru ba mơnuih bưp tơlơi truh, gong gai hơdôm boh tơring ƀơi Kon Tum ăt prăp rơmet, pơhrua tui mơnuih pơgang tơlơi truh lŏn adai ngă; prăp rơmet hơdră pơgang tơdah kiăng djru, hyu ĕp mơnuih bưp tơlơi truh.
Viết bình luận