Ngă tui bruă jao mơng Khul git gai dêh čar amăng pơhlôm ayuh hyiăng pơplih sat, hrơi tom brơi (12/7), grup hyu mă bruă mơng Ding jum pôr pơhing yua Kơ-iăng khua ding jum Phạm Đức Long, ding kơna Khul git gai ba jơlan hlâo hơmâo mông mă bruă hăng tơring čar Kon Tum kơ bruă pơhlôm ayuh hyiăng pơplih sat. Lăi pơthâo mơng Khul git gai anom bruă ayuh hyiăng pơplih sat-ĕp mơnuih bưp tơlơi truh sat hăng wai pơgang amăng mơnuih ƀon sang tơring čar Kon Tum hăng grup hyu mă bruă brơi ƀuh, truh ră anai abih bang 102 boh să, phường, tơring kual amăng tơring čar hơmâo akŏ pơjing grup ba jơlan hlâo amăng pơhlôm hlâo ayuh hyiăng pơplih sat hăng rơbêh 5.200 čô; abih bang 10 boh tơring glông, plơi prong hơmâo tơlơi gal djơ̆ hăng tơlơi rơkâo djru brơi mơnuih mơnam hăng tui tơlơi pơkă amăng pơhlôm hlâo ayuh hyiăng pơplih sat ƀơi anih; pôr pơhing, pơlăi nao rai lơ̆m git gai, wai lăng amăng bruă pơhlôm hlâo ayuh hyiăng pơplih sat brơi kjăp.

Đĭ pơhiăp amăng mông mă bruă, ơi Phạm Đức Long sit biă ñu lăi pơtong anăp nao 4 tơlơi ha anih amăng pơhlôm hlâo ayuh hyiăng pơplih sat; bruă pơtrut pôr pơhing, pơjing akŏ bruă pơgang ayuh hyiăng sat răm, hrŏm hăng anun hmao tlôn pơplih akŏ bruă amăng pơhlôm hlâo tơdah hơmâo tơlơi pơplih sat mơng ayuh hyiăng.