Tui hăng tơlơi lăi pơthâo glăi, hơdôm hrơi rơgao, ƀôn prong Hồ Chí Minh hmâo đing nao anăn ñu lăi pơhing mơ̆ng mông ngă Lơphet hơdor glăi “Truh kih prong bơyan Bơnga thun 1975 – Pran kơtang gum hrŏm hơbit abih bang djuai ania, tơlơi čang rơmang rơnuk rơnua, rơngai djuai ania hăng pran jua pơlir hơbit lŏn ia”.

Pơhiăp amăng mông mă bruă, Khua Grŭp pơtô bruă Ping gah dêh čar ta ơi Nguyễn Trọng Nghĩa rơkâo, lăi pơthâo abih dong jơlan gah pơsit črâo ba mơ̆ng Ding jum kơđi čar, Grŭp mă bruă Ping gah, Grŭp črâo ba mơ̆ng Ping gah hăng Pơtô ba mơ̆ng Grŭp pơtô bruă Ping gah dêh čar kơ lăi pơhing hơdor glăi hơdôm hrơi ngă lơphet prong hăng jơnum gru grua yôm phăn mơ̆ng lŏn ia amăng 3 thun 2023-2025 pơhlôm djơ̆ jơlan gah pơsit kơđi čar, tơlơi pơmin. Ƀôn prong Hồ Chí Minh khom ngă giong Akô̆ bruă abih bang hơdôm bruă mă hơdor glăi amăng blan 8 anai./.