VOV4.Jarai - Lơ 6/3 tui blan di, hrơi huă pơsat ơi pơtao Hùng Vương, hrơi ngui ngor ƀơi pra yang Hùng sit nik pơphun hăng anăn “Tơlơi ang mơyang mơng akŏ phun, kual lŏn ơi pơtao Hùng Vương” pơlir hăng tal hơdor glăi 10 thun hrơi UNESCO tŭ yap “Bruă ngă yang pơpŭ kơ ơi pơtao Hùng Vương ƀơi Phú Thọ” lĕ gru grua gah bơngăt kơ ană mơnuih. Hrơi huă pơsat Đức Quốc Tổ Lạc Long Quân hăng hrơi tŭi ñang pioh kơ hơdor kơ Tổ Mẫu Âu Cơ lơ 6/3 tui blan di; hrơi tŭi ñang pioh hơdor kơ ƀing ơi pơtao Hùng lơ 10/3 tui blan di hăng hrơi dưm guang bơnga ƀơi gong kut “Wa Hồ hiăp bit hăng ƀing apăn bruă, ling tơhan ngă hơkrŭ. Ơi Hồ Đại Dũng, kơ-iăng Khua Jơnum min mơnuih ƀon sang tơring čar Phú Thọ, Khua khul pơphun hrơi huă pơsat ơi pơtao Hùng Vương - hrơi ngui ngor ƀơi pra yang Hùng thun Nhâm Dần thun 2022 brơi thâo, tơring čar hơmâo ngă gêh gal hloh brơi mơnuih ƀon sang dưi nao ngui hrŏm amăng boh thâo pơčeh phrâo gru grua, pơhlôm djă pioh hơdôm mông ngă yang rơbang, biă mă ñu lĕ amăng bơyang ngui ngor ƀơi pra yang Hùng lơ 10/3 tui blan di rĭm thun.

Siu Đoan: Pơblang