VOV4.Jarai - Ƀơi plơi prong Pleiku, grŭp hyu mă bruă mơng Phun akha Sang bruă Tân Cảng Sài Gòn hmâo pơphun čơkă rông ba 10 čô mơnuih gah sang anô̆ ling tơhan pơsăn drơi, mơnuih djru ngă hơkrŭ đưm hăng ƀơk prăk djru hrăm hră “Ngă bơngač tơlơi čang rơmang” 2022 kơ ƀing čơđai sang hră tơnap tap.

Phun akha Sang bruă Tân Cảng Sài Gòn ƀơk gơnam tam kơ ƀing sang anô̆ tơhan pơsăn drơi, sang anô̆ djru ngă hơkrŭ đưm ƀơi Gialai

Amăng mông ngă lơphet, Phun akha Sang bruă Tân Cảng Sài Gòn (Quân chủng Hải quân) hmâo ƀơk laih tơlơi pơsit čơkă rông ba 10 čô mơnuih mơng sang anô̆ ling tơhan pơsăn hăng sang anô̆ djru ngă hơkrŭ đưm ƀơi 9 bôh tơring glông anun lĕ: Ia Grai, Đức Cơ, Kbang, Kông Chro, Čư̆ Prông, Đak Đoa, Ia Pa, Krông Pa hăng Mang Yang. Hơdôm hrơi čơkă rông ba yap mơng blan 7/2022, amăng anun hmâo prăk djru prăk ƀong huă rim blan, hyu čuă tơña bla ƀrô djơ̆ tal jơnum ngă lơphet, tết hăng mrô prăk 22 klăk prăk sa čô mơnuih sa thun. Ăt ƀrô djơ̆ tal anai mơn, Phun akha Sang bruă pơphun ƀơk prăk djru hrăm hră “Ngă bơngač tơlơi čang rơmang” kơ 10 čô čơđai sang hră ƀun rin, yak rơgao tơlơi tơnap, hrưn đĭ amăng hrăm hră, rim anung prăk hmâo nua 5 klăk prăk./.

Siu H’ Prăk: Pơblang