VOV4.Jarai - Ping gah, gong gai hăng mơnuih ƀon sang djŏp djuai ania tơring čar Dak Lăk ăt pơphun prong mơn bruă hyu jôk tơhan djai pơsăn drơi jăn kơ lŏn ia ƀơi Pơsat tơhan tơring čar. Ƀơi mông nao jôk, pơ ala kơ Ping gah, gong gai hăng mơnuih ƀon sang tơring čar Dak Lăk hơmâo tŭi ñang, dưm bơnga, hơdor bơni tuh rơyuh pran jua kơ ƀing tơhan djai pơsăn drơi kơ lŏn ia, yua tơlơi rơngai djuai ania ta.

Mông jôk tơhan djai pơsăn drơi ƀơi pơsat tơhan tơring Dak Lăk

Ngă tui tơlơi thâo hluh mơñum ia hơdor kơ pô klơi, amăng hơdôm thun rơgao, tơring čar Dak Lăk abih pran lăng ba tơlơi hơdip mơda kơ tơhan rơka, sang anŏ hơmâo tơhan djai pơsăn drơi, Amĭ Việt Nam sông kơtang, mơnuih djru hơkrŭ. Hơdôm bruă hơdor tơngia, man pơdong sang khăp pap, brơi hră pơkom prăk...rim thun hơmâo ngă hăng mrô prăk rơbêh 25 klai.

Siu H’Mai: Pơblang