VOV4.Jarai - Čơtlăm lơ 13/1, Ping gah Khul bơwih ƀong dêh čar ta pơphun klan čun bruă mă thun 2021 hăng pok pơhai bruă mă thun 2022. Thun 2021, Ping gah Khul bơwih ƀong dêh čar ta git gai, črâo ba na nao hơdôm bôh anom ngă tui klă bruă pơdŏng Ping gah hăng pơtrut rah bruă bơwih ƀong sĭ mơdrô.

Tui hăng mrô yap, abih bang prăk pơhrui glăi mơng hơdôm khul grŭp, phun akha sang bruă amăng Khul him lăng hmâo giăm truh 1 klăk 550 tơbâo klai prăk, hloh kơ 43,5% bơhmu hăng kơčăo bruă hăng đĭ hloh bơhmu hăng thun 2020. Pơhiăp amăng mông jơnum, Khua Grŭp wai lăng bruă bơwih ƀong dêh čar ta Trần Tuấn Anh rơkâo, pơ̆ anăp anai Ping gah Khul bơwih ƀong dêh čar ta pơtrut kơtang dong hăng ngă klă hloh dong bruă pơdŏng, pơplih pơkra Ping gah; pơplih phrâo dong, pơđĭ tui bôh tơhnal bruă mă hăng bôh thâo bơkơtưn mơng anom bơwih ƀong; pơhlôm prăk pơhrui glăi, bruă mă kơ mơnuih apăn bruă, mơnuih mă bruă čar, mơnuih mă bruă./.

Siu H’ Prăk: Pơblang