VOV4.Jarai - Mơguah lơ 6/7, ƀơi Hà Nội, Ping gah Khul hơdôm bôh ƀirô Kơnuk kơna pơphun Jơnum Grŭp mă bruă Ping gah tal 9. Jơnum kah čun ƀơbiă bruă 6 blan akô̆ thun hăng jơlan gah phun 6 blan rơnuč thun mơng Ping gah Khul. 6 blan rơgao, Ping gah Khul hơdôm bôh ƀirô Kơnuk kơna kiăo tui dong Tơlơi pơtrun pơsit Jơnum tal 13 mơng Ping gah, Tơlơi pơtrun pơsit mơng Ping gah Khul, hơdôm tơlơi pơkă pơtô brơi phrâo mơng Ping gah kiăng pơplih phrâo phun hăng hơdôm tơlơi pơplih mă yua jơlan hơdră mă bruă.

Gah bruă mă hơdôm blan dô̆ glăi mơng thun anai, ơi Nguyễn Thành Nam Khua Jơnum min pel ĕp kơđi tơlơi, Ping gah Khul hơdôm bôh ƀirô Kơnuk kơna lăi rơđah, Ping gah Khul amra pơplih phrâo dong, pơđĭ tui anô̆ kơjăp bruă mă, bôh tơhnal git gai, črâo ba hăng pơphun bruă pel ĕp, lăng tui. Ngă tui na nao, pơhlôm abih bang bruă pel ĕp, lăng tui mơng Ping gah kiăng djru bruă kơđi čar, bruă pơdŏng, pơplih pơkra ping gah klă hiam, kơjăp kơtang./.

Siu H’ Prăk: Pơblang