Mơguah lơ 14/8, Khul apăn bruă Ping gah tơring čar Dak Lak lăng glăi 10 thun ngă tui tơlơi pơtrun mrô 33 mơng Khul apăn bruă Ping gah tal XI kơ bruă “Pơjing hăng pơđĭ kyar gru grua ană mơnuih Việt Nam djơ̆ hăng tơlơi rơkâo hơđong kjăp lŏn ia” hăng 15 thun ngă tui tơlơi črâo trun mrô 38 mơng Khul git gai Ping gah kơ bruă “Pơtrut kơtang yua hră pơhlôm nua ia jrao amăng rơnuk phrâo”. Găn rơgao 15 thun ngă tui tơlơi črâo trun mrô 38 mơng Khul git gai Ping gah, hơdră djru hră pơhlôm nua ia jrao hơmâo ba glăi boh tŭ yua amăng tơlơi hơdip mơda, hơmâo hơdôm tơlơi pơgôp prong amăng bruă pơgang brơi tơlơi suaih pral kơ mơnuih ƀôn sang.

Găn rơgao 10 thun ngă tui, tơring čar Dak Lak hơmâo laih rơbêh 398.000/463.000 boh sang anŏ hơdip rơnôm yâo mơ-ak, dưm dưm 86%. Gru grua hiam klă mơng djop djuai ƀiă tŏ tui hơkrŭ glăi, djă pioh hăng tŏ tui na nao. Ơi Nguyễn Đình Trung, Khua git gai Ping gah tơring čar Dak Lak tŭ yap hăng pơpŭ bơni hơdôm tơlơi gir run mơng djop gưl, djop gơnong bruă amăng ngă tui tơlơi pơtrun mrô 33 hăng tơlơi črâo trun mrô 38 mơng Khul git gai Ping gah amăng tơring čar.