VOV4.Jarai - Mơguah lơ 18/1, ƀơi Hà Nội, Plang pôr pơhing điện tử Kơnuk kơna, Hră pơhing điện tử Kơnuk kơna pơphun ngă lơphet pok rup pơdah phrâo hăng anih pơđok phrâo, pok anih dăp hơdră tơlơi pơhing pơƀut glăi ha anih. Kơ-iăng khua dêh čar ơi Vũ Đức Đam nao lăng hăng đĭ pơhiăp amăng mông jơnum. 16 thun laih rơgao dong mơng lơ 10/1/2006, lơ̆m khua dêh čar ơi Phan Văn Khải tut pok pơhai mă yua internet tar ƀar plang pôr pơhing điện tử (hlâo anun lĕ Website Kơnuk kơna), jing plang pôr pơhing na naop, tŭ mă tơlơi pơhing mơng kơnuk kơna, tơpă sit dưm amăng internet; ba glăi tŭ yua amăng bruă git gai, wai lăng mơng Kơnuk kơna, Khua dêh čar. Rĭm thun, plang pôr pơhing điện tử Kơnuk kơna hơmâo rơbêh 30.000 tơlơi pơhing, tơlơi čih, rup rap, video clip, rơbêh 400 hră lăi pơthâo, rơbêh 2.000 hră pơtrun djơ̆ tơlơi phiăn hăng hră git gai, wai lăng mơng Kơnuk kơna, Khua dêh čar, čoh giăm 1.200 mrô hơdrôm hră pơhing.

Siu Đoan: Pơblang