VOV4.Jarai - Lom lơ 8/4, Jơnum min mơnuih ƀôn sang plơi prong Buôn Ma Thuột, tơring čar Daklak hmâo mă yua Hră pơ-ar kơ pơplih glăi dong sa dua bruă pơgang pơgăn klin Covid-19 amăng tơlơi phrâo.

Kiăo tui anun, yap mơng 6 mông, lơ 12/4, plơi prong Buôn Ma Thuột brơi pơphun bruă mă gah rơngiao, amăng sang hăng mrô mơnuih ƀu rơgao kơ 100 čô mơnuih hăng khom pơhlôm djơ̆ tơlơi pơkă pơgang klin Covid-19; brơi hơkrŭ glăi ha mơkrah rơnoh hơdôm bruă bơwih ƀong kah hăng: anih adôh suang, karaoke, anih sĭ tơpai asơi, mát-xa, internet, tơlơi ngui điện tử; hơdôm anih anom bơwih ƀong sĭ mơdrô gơnam ƀong huă, hơdôm anih anom jơnum khul đăo dưi pơphun glăi samơ̆ khom pơhlôm djơ̆ tui tơlơi pơkă; Pơphun pơtô pơhrăm ƀơi sang hră hăng hơdôm anih 9 hăng gưl 3. Yap truh lơ 8/4, plơi prong Buôn Ma Thuột hmâo čih pioh giăm truh 50 rơbâo čô mơnuih ruă Covid-19, amăng anun hmâo rơbêh kơ 10 rơbâo čô mơnuih glăk dô̆ pơjrao. Lu mơnuih djơ̆ Covid-19 ƀơi plơi prong leng kơ rơnang, ƀudah ƀu ƀuh pơdah gah rơngiao ôh hăng pơjrao mă pô ƀơi sang./.

Siu H’ Prăk: Pơblang