Jơnum Khul pơlir ƀing čih tơlơi pơhing Gong phun jua pơhiăp dêh čar Việt Nam tal 8, rơwang thun 2026-2031 pơphun mơguah lơ 11/6 hơmâo ruah Khul apăn bruă khul pơlir Khul mơnuih čih tơlơi pơhing Gong phun jua pơhiăp dêh čar Việt Nam rơwang thun 2026-2031 lĕ 21 čô ding kơna. Ding kơna Khul apăn bruă Ping gah gơnong glông Khul mơnuih čih tơlơi pơhing Việt Nam Phạm Mạnh Hùng tŏ tu ngă khua khul pơlir khul mơnuih čih tơlơi pơhing Gong phun jua pơhiăp dêh čar Việt Nam rơwang thun 2026-2031. Jơnum pơphun hăng tơlơi mut hrŏm mơng 185 čô khua mua sit nik pơ ala brơi 760 čô ding kơna ƀơi 20 grup amăng Gong phun jua pơhiăp dêh čar Việt Nam.

Tui akŏ bruă ruah mơnuih apăn bruă khul pơlir Khul mơnuih čih tơlơi pơhing Gong phun jua pơhiăp dêh čar Việt Nam rơwang thun 2026-2031 hơmâo Khul apăn bruă khul pơlir khul čih tơlơi pơhing akŏ pơjing, Khul apăn bruă Ping gah Gong phun jua pơhiăp dêh čar Việt Nam tŭ yua ngă tui, Jơnum hơmâo bơtŭ ư ruah Khul apăn bruă Khul pơlir ƀing čih tơlơi pơhing Gong phun jua pơhiăp dêh čar Việt Nam rơwang thun 2026-2031 lĕ 21 čô ding kơna. Jơnum ăt hơmâo ruah khul pel ĕp pơlir khul mơnuih čih tơlơi pơhing Gong phun jua pơhiăp dêh čar Việt Nam hơmâo 3 čô ding kơna. Tui ơi Phạm Mạnh Hùng, kiăng hrưn đĭ klă bruă mă amăng khul amăng rơwang phrâo, Khul apăn bruă rơwang phrâo amra tŏ tui tơlơi truh kih amăng rơwang hlâo anun, ƀu pơdơi hrưn đĭ tŭ yua bruă mă amăng khul, pơgôp čung ba hăng ngă tui gru grua hră pơhing ngă hơkrŭ Việt Nam, djơ̆ hăng jơlan gah hăng bruă jao mơng Gong phun jua pơhiăp dêh čar Việt Nam.