VOV4.Jarai-Anom bruă kơnuk kơna dêh čar ngă hră pơtrun mrô 253 lăi pơthâo tơlơi git gai mơ̆ng Khua dêh čar, ơi Phạm Minh Chính ƀơi mông jơnum lok 3 mơ̆ng Jơnum min dêh čar kơ bruă pơblih mrô. Lăi pơthâo klah čun bruă pơblih mrô jing sa tơhnal bruă yôm man pơdong akŏ bruă tơlơi bơwih ƀong huă rơngai ngă khua pô, lir hơbit hăng bruă ngă hur har pơtrut mut phung jar kmar prong hloh, tŭ yua hloh. Pơblih phrâo boh thâo ia rơgơi, pok prong anih anom sĭ mơdrô, ba gơnam tam pơkra ming phrâo hiam klă lu mơta djru pơtrut rŭ glăi bơwih ƀong huă pơđĭ kyar mơnuih mơnam.

Khua dêh čar pơtrun hiăp mơ̆ng anai truh abih thun 2022 hăng thun blan pơ anăp, ƀing khua ding jum, anom bruă bơkơnar hăng ding jum, anom bruă gah kơnuk kơna wai lăng, Khua jơnum min mơnuih ƀôn sang djop tơring čar, ƀôn prong, git gai khut khăt hloh, pơphun pok pơhai, pơjing rai bruă mă, anăp mă bruă, dăp mơnuih ngă bruă brơi pơblih mrô amăng anom bruă ding jum hăng tơring čar ta pô git gai.

Nay Jek: Pơblang