VOV4.Jarai - Ƀơi anom bôh thâo tơring čar Daklak, Khul trah trel kač rŭp Việt Nam gum hrom hăng Gơnong bruă bôh thâo – bơkơjăp drơi jăn – tuai čuă ngui tơring čar Daklak phrâo pơphun pơdă prưng tô nao rai – Canavan kač rŭp luh gah Việt. Bruă pơdă prưng lăi pơthâo rơbêh kơ 100 pok rŭp mơng hơdôm mơnuih kač rŭp amăng bruă Canavan –kač rŭp luh gah Việt hăng ƀing mơnuih kač rŭp gah grŭp kač rŭp tơring čar Daklak ngă tui.

Tuai hyu čuă lăng rŭp pơdă prưng

Hơdôm pok rŭp pơdah glăi tơlơi hơdip mơda, bă kơ tơlơi hơdip mơng ană mơnuih hăng kual lŏn Dăp Kơdư. Canavan kač rŭp luh gah Việt dưi pok phun thun 2022, jing sa anih pơčeh rŭp kač hmâo 20 čô mơnuih dưi ruah. Tal jơnum kač rŭp Việt blung a pơphun gah yŭ tơlơi gum hrom mơng Khul kač rŭp Việt Nam anom bruă gah Dơnung dêh čar hăng Vietnam Art Space, pơphun mơng ƀôn prong Hồ Chí Minh truh pơ̆ anih rơnuč lĕ Đà Nẵng, ƀơi jơlan nao amra găn rơgao lu anih anom plơi pla kah hăng: Daklak, Kontum, Bình Định, Phú Yên kiăng pơdah gru hiam mơng hơdôm kual lŏn ia tui tơlơi pơčeh mơng mơnuih kač rŭp./.

Siu H’ Prăk: Pơblang