VOV4.Jarai-Mơguah lơ 15/9, ƀơi plơi prong Đà Lạt, Lâm Đồng, Ding jum gru grua, Pơrơguăt drơi jăn hăng Tuai čuă ngui pơphun jơnum pơtô Tơlơi phiăn čih pơkra glăi pơhrua dơ̆ng amăng Tơlơi phiăn ngă pô Tơlơi pơmin ia rơgơi pơčeh phrâo, hăng tơlơi dưi pơdjơ̆ nao. Rơbêh 150 čô khua pơ ala nao jơnum mơ̆ng hơdôm ding jum, anom bruă, sang bruă gah Ding jum Gru grua, Pơrơguăt drơi jăn hăng Tuai čuă ngui hrom hăng lu tơring čar nao pơhmư̆.

Mông jơnum bơkơtuai

Amăng 3 hrơi, ƀing khua mua pơ ala amra hmư̆ lu tơlơi pơtô jơlan hơdră pơblih phrâo, pơhrua dơ̆ng kơ tơlơi dưi pô čih pơčeh phrâo, tơlơi dưi pơdjơ̆ nao amăng Tơlơi phiăn ngă pô ia rơgơi pơčeh phrâo; pơgang tơlơi dưi ngă pô mơ̆ng mơnuih čih pơčeh amăng bruă pơtrut pơđĭ kyar tuh tia pơkra ming gah bruă gru grua thâo thăi; hơdôm tơlơi phrâo pơkă pơgang tơlơi dưi ngă pô tơlơi pơčeh phrâo ia rơgơi, tơlơi glăm ba wai lăng tui tơlơi phiăn pơgang pô čih, tơlơi dưi pơdjơ̆ nao; lăi pơthâo boh yôm phun Hră pơkôl pơgang tơlơi dưi kơ pô čih tui hăng Anom bruă pơgang boh thâo ia rơgơi pô pơčeh phrâo rŏng lŏn tơnah, hră pơkôl kơ bruă pơdah gru grua mơak hăng jua pơhiăp hrip pioh ngă kơnôl mơ̆ng Anom bruă pơgang Boh thâo ia rơgơi ană mơnuih rŏng lŏn tơnah.

Nay Jek: Pơblang