Nao jơnum hrŏm hơmâo kơ-iăng Khua dêh čar ơi Trần Hồng Hà, hrŏm hăng khua mua hơdôm ding jum, gơnong bruă. Đĭ pơhiăp git gai mông jơnum, kơ-iăng Khua dêh čar ơi Trần Hồng Hà pơsit tong, kual Ngŏ dơnung lĕ akŏ phun pơđĭ kyar, lĕ anih ba jơlan hlâo amăng djop mơta, hơdôm tơlơi dưi anai lĕ yua tơlơi gum pơgôp prong prin mơng gơnong bruă pơtô pơjuăt.

Kơ-iăng khua dêh čar rơkâo Ding jum pơtô pơjuăt gum hrŏm hăng hơdôm ding jum, ƀon lan kơsem min kơ bruă pơđĭ kyar pơtô pơjuăt tui tơlơi pơtrun mrô 24 mơng Ding jum kơđi čar. Mơng anun, prap lui tong ten kơ bruă pơđĭ kyar pơtô pơjuăt, lăp djơ̆ hăng tơlơi phara amăng kual Ngŏ dơnung; kiăng man pơdong ƀơi anai sa, dua boh sang hră gưl prong, glông ƀiă gưl prong dong, tuh pơ alin amăng bruă phrâo, man pơdong hơdôm anom bruă pơplih pơčeh phrâo.