Jơnum pơsit, añăm pơtăm boh troh jing sa amăng klâo grup gơnam tam ba sĭ pơ čar rơngiao prong hloh mơ̆ng Việt Nam. Thun 2024, rơnoh ba sĭ añăm pơtăm boh troh lu hloh kơ mơ̆ng hlâo hơmâo 7,12 klai dolar. Mah hơmâo ba sĭ pơ rơbêh 80 boh dêh čar hăng kual lŏn, samơ̆ añăm pơtăm boh troh mơ̆ng Việt Nam glăk bưp tơlơi pơgăn mơn hăng boh thâo kĭ thuâ̆t jai hrơi tơnap tui, kơ mrô rơnoh ia jrao pơgang phun pla, sem lăng klin kman hăng tơlơi kiăng gah mơnuih mă bruă, ayuh hyiăng.

Ƀơi mông jơnum, ƀing kơhnâo, mơnuih wai lăng, anom bơwih ƀong lăi pơthâo kơ tơlơi glăk hơmâo, tơlơi lông hăng hơdră pơđĭ kyar añăm pơtăm boh troh mơ̆ng Việt Nam ba sĭ pơ čar rơngiao; tơlơi gơgrong mơ̆ng bruă ngă hrŏm kơnuk kơna hăng mơnuih ƀôn sang amăng pơđĭ tui anŏ klă mơ̆ng añăm pơtăm boh troh ba sĭ; lăi pơthâo boh thâo măi mok pơkra añăm pơtăm boh troh./.