Tơhan pơgang guai dêh čar tơring čar Gia Lai hlâo adih arăng iâu tơhan blah ngă pơgang tơlơi rơnuk rơnua, dưi akŏ pơjing mơ̆ng thun 1965, hơmâo tơlơi djru ba tơhan hơkrŭ mơ̆ng kual gah Kơdư. Rơnuk blah ayăt, tơhan anai mut hrŏm tơgŭ blah ayăt hơdôm rơtuh tơdron blah, pơnah pơdjai hăng mă pơkong hơdôm rơtuh čô ayăt, pơgôp hrŏm prong biă măpơklaih rơngai kualDơnung, pơlir truh kih lŏn ia jing sa. Tơdơi kơ thun 1975, tơhan pơgang guai dêh čar Gia Lai ăt ngă bruă pơgang guai lŏnia, biă mă ñu amăng rơnuk blah tơhan Khmer mriah.

Ră anai, puih kơđông tơhan pơgang guai dêh čar ƀơi Gia Lai wai lăng rơbêh 80 km jơlan guai hăng tơring čar Rattanakiri dêh čar Kur, ngă giong bruă jao pơgang hơđong guai lŏn ia hăng djru ană plơi pla bơwih ƀong huă pơđĭ kyar hăng lu hơdră “Čung adơi nao sang hră”. “Pơbung sang pơđao brơi kơ mơnuih ƀun rin ƀơi guai dêh čar”, Rơmô djuai brơi kơ sang anŏ ƀun rin”. Hăng lu boh tơhnal ngă bruă tŭ yua djơh hăng anun, Anom bruă khua tơhan pơgang guai dêh čar tơring čar Gia Lai pơ-ư ang tŭ mă Miđai Pơgang lŏn ia hơnơ̆ng mrô Dua yua Khua mir sir apah bơni; Khua Jơnum min mơnuih ƀôn sang tơring čar Gia Lai ăt ƀơk hră apah bơni kơ 6 grup hăng 9 čô tơhan ngă bruă hur har tŭ yua hloh.