VOV4.Jarai - Ƀơi sang bruă Khua pơ ala mơnuih ƀon sang, Khua git gai pơ ala mơnuih ƀon sang dêh čar ơi Vương Đình Huệ git gai mông jơnum ngă bruă hăng Khua mua Jơnum min bơwih ƀong mơng Ƀirô khua pơ ala mơnuih ƀon sang pơgôp hiăp kơ tơlơi lăi pơthâo glăi 5 thun ngă tui Tơlơi pơtrun mrô 31/2016 mơng Khua pơ ala mơnuih ƀon sang dêh čar kơ bruă pơdơi tuh pơ plai pơkra apui lơtrik put ayuh Ninh Thuận. Ƀơi mông ngă bruă, tơdơi kơ hmư̆ tơlơi pơgôp hiăp mơng ƀing khua, ơi Vương Đình Huệ pơsit bruă pơdơi pơkra apui lơtrik Ninh Thuận lĕ jơlan ngă bruă lăp djơ̆ mơng Ping gah, laih anun kiăng Jơnum min bơwih ƀong mơng Ƀirô khua git gai pơ ala mơnuih ƀon sang pơhmư̆ tui tơlơi pơgôp hiăp ƀơi mông jơnum, ngă hrŏm hăng hơdôm ding jum anom bruă hăng tơring čar Ninh Thuận ngă giong hră lăi pơthâo wai lăng boh than 5 thun ngă tui tơlơi pơtrun jơnum mrô 31 mơng Ƀirô khua git gai pơ ala mơnuih ƀon sang, sem lăng, pơtŏng glăi hơdôm boh than dưi ngă hăng aka ƀu dưi ngă, biă ñu lĕ bruă ba đuăi plơi pla, pơdong plơi phrâo, čuk pơkra, prăp rơmet lŏn tơnah pioh ngă hmua tơdơi kơ pơdơi pơkra apui lơtrik ayuh, rơkâo đĭ hăng Khua mua pơ ala mơnuih ƀon sang, Kơnuk kơna pơsir brơi hơdôm tơlơi pơgăn, ngă amuñ brơi kơ tơring čar Ninh Thuận pơđĭ kyar tañ, hơđong kơjăp hloh dong.

Siu H’Mai: Pơblang