Pơđut hĭ hrơi pơplông blung a, ƀing čơđai sang hră Dak Lak hur har pran jua anăp nao hrơi pơplông tal dua
Thứ sáu, 00:00, 27/06/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam lơ 26/6, rơbêh 22.000 čô čơđai sang hră ƀơi Dak Lak hơmâo pơplông giong tơlơi hrăm Toán, pơđut hĭ hrơi pơplông blung a amăng tal pơplông abih anih 12 thun 2025.
Tui hơduah tơñu ƀơi hơdôm anih pơplông, lu čơđai brơi thâo ăt dưi ngă mơn, pran jua hơđong mơ-ak hăng glăk prap yak nao hrơi pơplông tal dua dong. Hlâo anun, amăng mơguah, ƀing čơđai ƀơi Dak Lak hơmâo pơgiong pơplông tơlơi hrăm Ngữ Văn hăng pran jua hok mơ-ak lơm dưi ngă soh. Mrô čơđai nao pơplông amăng hrơi blung a ƀơi tơring čar rơbêh 99%.
Hrơi anai (27/6), ƀing čơđao yak nao pơplông hơdôm tơlơi hrăm gah Khoa học Tự Nhiên ƀudah Khoa học Xã hội amăng mơguah hăng tơlơi hrăm Ngoại ngữ amăng yang hrơi tlam. Yă Lê Thị Thanh Xuân, Khua gơnong bruă pơtô pơjuăt tơring čar Dak Lak brơi thâo: gơnong bruă pơtô pơjuăt tŏ ngă tui khut khăt hơdôm tơlơi pơkă kiăng tal pơplông pơphun rơnuk rơnua hăng djơ̆ tơlơi pơkă.
Viết bình luận