Tui anun, Kơnuk kơna glăk rơkâo 20 boh tơhnal mơ-it Khua pơ ala mơnuih ƀon sang dêh čar sem lăng, tŭ yap ngă tui. Khua git gai pơ ala mơnuih ƀôn sang dêh čar ơi Trần Thanh Mẫn brơi thâo, mơng anai truh rơnuč thun, bruă mă hăng Ƀirô Khua pơ ala mơnuih ƀon sang dêh čar, Jơnum min apăn bruă Khua pơ ala mơnuih ƀon sang dêh čar, Kơnuk kơna hăng hơdôm anom bruă bơdjơ̆ nao lĕ prong biă mă. Sit biă ñu lĕ hơdôm bruă jao čih pơkra tơlơi phiăn tui pran jua ngă bruă mơng Jơnum pok pơhai jơlan gah čih pơkra tơlơi phiăn rơwang ngă bruă mơng Khua pơ ala mơnuih ƀon sang dêh čar tal 16 hăng bruă prap lui hơdôm tal jơnum pơ anăp dong.

Lăi pơtong mơng anai truh rơnuč thun, hrŏm hăng bruă čih pơkra tơlơi phiăn ăt hơmâo lu bruă jao akŏ phun kơ krăo lăng hăng pơtom hiăp, amăng anun hơmâo bruă pơphun Jơnum tơlơi phiăn hăng jơnum amăng Ƀirô Khua pơ ala mơnuih ƀon sang dêh čar kơ bruă krăo lăng thun 2026 amăng rơwang tal III, Khua git gai pơ ala mơnuih ƀôn sang dêh čar rơkâo hơdôm anom bruă krăo lăng jơlan hơdră, khul grup ngă tui khăt khăt, tŭ yua.