Pơhiăp amăng mông pơđut jơnum lok 48, ơi Trần Thanh Mẫn khua git gai pơ ala mơnuih ƀôn sang dêh čar lăi pơtong, hăng pran jua mă bruă hmar, tơpă hơnơ̆ng hăng gơgrong ba prong, Jơnum min apăn bruă phun pơ ala mơnuih ƀôn sang dêh čar lok 48 hơmâo 17 mơta bruă phun pơčrong sai tong ten ngă giong tơhnal pơkă abih bang hră pơar prăp lui jơnum lok 10 abih bang ƀing pơ ala mơnuih ƀôn sang dêh čar pơ anăp anai.

Ơi Trần Thanh Mẫn ăt pơtă, jơnum blan 9 lĕ tal jơnum phun yom biă mă pioh pơgôp hiăp kơ jơnum lok 10 yua hơmâo lu boh yom phun či lăi nao, pơčrong sai kah hăng pơgôp hiăp kơ djop boh yom phun pơkă kơ taljơnum; sem glăi, pơsit hĭ Jơlan hơdră čih pơkra tơlơi phiăn dêh čar amăng thun 2026; pơgôp hiăp amăng hră lăi pơthâo pơƀut bruă mă pơđut rơwang bruă khua pơ ala mơnuih ƀôn sang dêh čar tal anai hăng djop sang bruă amăng kơnuk kơna, bruă mă prăp lui jơnum plĕ hră ruah khua hăng amra hơmâo năng ai 50 mơta tơlơi phiăn, hră pơtrun yom pơkŏn.