Tal jơnum anai hơmâo tŭ ư lu hră pơtrun yôm amăng bruă pơtrut pơđĭ kyar bơwih ƀong huă mơnuih mơnam hrơi blan pơ anăp. Pơhiăp git gai pơđut jơnum, yă Huỳnh Thị Chiến Hòa, Khua Khul pơ ala mơnuih ƀôn sang tơring čar Dak Lak rơkâo, jơnum min mơnuih ƀôn sang tơring čar lăi djop gưl anom bruă, djop tơring glông khom lăng kơ bruă pơđĭ kyar bơwih ƀong huă mơnuih mơnam, pơgang rơnuk rơnua hơđong lĕ bruă mă yôm mrô sa amăng 6 blan rơnuč thun.

Hrŏm hăng anun, ƀing pơ ala mơnuih ƀôn sang tơring čar rơkâo djop anom bruă, djop gưl sang bruă hăng djop tơring glông pơtô lăi  brơi mơnuih ƀôn sang thâo  hluh jơlan hơdră mơ̆ng kơnuk kơna, tơlơi kiăng mơ̆ng Ping gah, jơlan hơdră tơlơi phiăn kơnuk kơna pơtrun kơ bruă bơwih ƀong huă mơnuih mơnam kual djuai ƀiă, jơlan hơdră gum pơgôp djuai ania mơ̆ng ping gah, kơnuk kơna ta kiăng mơnuih ƀôn sang ngă tui djơ̆ ha pran jua. Ƀơi mông jơnum anai, khua mua pơ ala mơnuih ƀôn sang tơring čar Dak Lak ăt pơsit hĭ 6 pok hră pơtrun pơkă tơlơi phiăn pioh ngă tui, 10 pok hră pơtrun phara hăng tơlơi rơkâo pơsir lu boh yôm phun pơkŏn hơmâo tơlơi bơ tŭ ư hrŏm lu biă mă.