VOV4.Jarai - Tlam lơ 19/1, Jơnum min apăn bruă Khua pơ ala mơnuih ƀon sang dêh čar  hơmâo pơđut mông jơnum, Khua git gai pơ ala mơnuih ƀon sang dêh čar ơi Vương Đình Huệ rơkâo pơ anăp anai pơphun klă dong bruă lăi pơthâo bruă pơmut pơčruh ngăn hăng mă yua ngăn drăp Kơnuk kơna laih dong mông tơña hăng lăi glăi tơlơi tơña amăng Jơnum min apăn bruă Khua pơ ala mơnuih ƀon sang dêh čar. Khua git gai pơ ala mơnuih ƀon sang dêh čar ăt rơkâo Sang phat kơđi tŏ tui sem lăng sum ao buh lơ̆m pơsir kơđi mơng ƀing mơnuih ba kơđi kiăng pơhlôm kơdrưh hăng tơpă sit lơ̆m phat kơđi. hrưn đĭ klă dong bruă mă.

   Ơi Vương Đình Huệ đĭ pơhiăp amăng mông jơnum

Khua git gai pơ ala mơnuih ƀon sang dêh čar rơkâo, lăng glăi tong ten bruă mă mơng Jơnum min apăn bruă Khua pơ ala mơnuih ƀon sang dêh čar amăng thun 2021 kiăng kơ anăp nao ngă bruă amăng thun anai hăng prap lui jơnum lok 3, Khua pơ ala mơnuih ƀon sang dêh čar tal 15 hăng bruă akŏ phun lĕ čih pơkra tơlơi phiăn. Amăng anun mơ-it Khua pơ ala mơnuih ƀon sang dêh čar sem lăng hăng tŭ yap mă yua hơdôm tơlơi phiăn hơmâo pơgôp hiăp amăng jơnum lok 2 hăng hơdôm črăn tơlơi phiăn mơ-it nao Ƀirô Khua pơ ala mơnuih ƀon sang dêh čar blung a.

Siu Đoan: Pơblang