Pơhiăp pơđut mông jơnum, Khua git gai pơ ala mơnuih ƀon sang dêh čar ơi Vương Đình Huệ brơi thâo, ƀơi mông jơnum anai, Jơnum min khua git gai pơ ala mơnuih ƀon sang dêh čar hơmâo pơgôp hiăp kơ hơdôm bruă prong dŏ hơmâo tơlơi pơmin phara mơng hơdôm Tơlơi phiăn mơnuih ƀon sang pơgang tơlơi truh lŏn ia; Tơlơi phiăn pơgang ba tơlơi dưi mơnuih blơi gơnam (pơkra glăi); tơlơi phiăn Giao dịch điện tử (pơkra glăi). 3 tơlơi phiăn anai truh ră anai dưi ngă giong laih, rơkâo tơlơi pơgôp hiăp mơng khua mua pơ ala mơnuih ƀon sang apăn bruă anai.

Jơnum min apăn bruă git gai pơ ala mơnuih ƀon sang dêh čar tŭ ư tơlơi pơtrun mă yua Tơlơi pơkôl pơkă mông jơnum mơng Khua git gai pơ ala mơnuih ƀon sang dêh čar hăng Tơlơi pơtrun kơ hơdôm bruă mă, tơlơi dưi hăng hơdră ngă bruă mơng Khul khua čih pioh. Hăng hơdôm bruă bơdjơ̆ nao anih anom mă bruă tal anai hơmâo akŏ pơdong 1 boh plơi prong, 2 boh plơi prong anet, 34 boh phường, 11 boh tơring kual hăng pơplih anih anom gưl să amăng 10 boh tơring čar. khua git gai pơ ala mơnuih ƀon sang dêh čar lăi anai jing bruă yôm kiăng ngă giong bruă amăng plơi pla, ngă tui Tơlơi pơtrun mơng Ping gah kơ bruă pơđĭ kyar plơi prong .