VOV4.Jarai - Lơ 15/3, Grŭp pơphun bruă Jơnum dêh čar ta pok phun Jơnum lăi pơthâo, pok pơhai ngă tui Tơlơi pơkă mrô 58 mơng Ding jum kơđi čar “Sa dua mơta tơlơi pơgang bruă kơđi čar mơng Ping gah” hăng mă tơlơi gum pơhiăp kơ hră čih pơkra Bruă pơtô ba ngă tui Tơlơi pơkă. Tơlơi pơkă mrô 58 kơ pơgang bruă kơđi čar Ping gah hmâo 7 mơta tơlơi phrâo, amăng anun lăp đing nao tơlơi pơkă pơhrua nao rơnoh pơpha hăng mơnuih apăn bruă, mơnuih ping gah hmâo tơlơi kơđi čar ƀu hơđong samơ̆ ƀu ngă soh tơlơi pơkă anai.

Đơ đam anih jơnum

Pơhiăp amăng mông jơnum, yă Trương Thị Mai – Khua Grŭp pơphun bruă Ping gah dêh čar ta lăi rơđah: Pơgang bruă kơđi čar lĕ tơlơi yôm phăn, khom hmâo tơlơi kơjăp, kơđiăng kiăng pơhlôm tơlơi kơđi čar ƀu djơ̆ kơnong kơ brơi Ping gah ôh mơ̆ ñu dô̆ jing pran gơgrong bruă kơđi čar mơng mơnuih apăn bruă, mơnuih ping gah dong. Yua anun, kiăng kơsem min dong, lăi pơthâo abih ngă tui kiăng hmâo djơ̆ hrom gah tơlơi pơmin, rơđah gah tơlơi pơmin hlâo kơ nao pơsir hơdôm tơlơi hmâo sit rơđah rơđông./.

Siu H’ Prăk: Pơblang