VOV4.Jarai - Mơguah lơ 20/7, ƀơi tơring čar Vĩnh Phúc, Khul lý luận gơnong glông pơphun jơnum tal 4 rơwang thun 2021-2026. Ơi Nguyễn Xuân Thắng, Ding kơna Ding jum kơđi čar, Khua khul lý luận gơnong glông, Khua sang hră pơtô bruă kơđi čar dêh čar Hồ Chí Minh git gai mông jơnum. Amăng mông jơnum bơkơtuai, pơgôp hiăp amăng 3 črăn hră lăi pơthâo črâo ba mơng Khul, pơgôp djru prap lui Jơnum gơnong glông lok 6 tal 13, him lăng amra pơphun amăng blan 10 pơ anăp anai, amăng anun hơmâo: sa, dua bruă pơsit sit nik găn rơgao 15 thun ngă tui tơlơi pơtrun mơng gơnong glông lok 5 tal 10 amăng tŏ tui pơplih hơdră git gai mơng Ping gah hăng bruă amăng anih anom kơđi čar; sa, dua bruă pơsit sit nik amăng pơjing hăng pơgiong Kơnuk kơna tui hơdră Xã hội chủ nghiã Việt Nam truh thun 2030, anăp nao truh thun 2045; sa, dua bruă mă hăng tơlơi sit nik kơ hơdră bruă amăng pơplih tuh tia pơkra pơjing, pơplih phrâo lŏn ia truh thun 2030, anăp nao truh thun 2045, Ơi Nguyễn Xuân Thắng rơkâo ƀing khua mua, ƀing rơgơi kơhnâo đing nao pơčrông sai, pơgôp hiăp amăng črăn hră lăi pơthâo hăng pran gơgrong hloh, lăng anai lĕ akŏ phun kiăng pơgiong hră lăi pơthâo mơ-it Ding jum kơđi čar, Khul git gai Ping gah, hmao tlôn djru brơi Jơnum gơnong glông lok 6 tal 13.

Siu Đoan: Pơblang