VOV4.Jarai - Ding jum đang hmua hăng pơđĭ kyar ƀôn lan dêh čar ta phrâo hmâo Tơlơi črâo ba kơ bruă pơphun Tết tui phiăn juăt Nhâm Dần 2022. Kiăo tui anun, Ding jum đang hmua hăng pơđĭ kyar ƀôn lan dêh čar ta rơkâo hơdôm anom bruă gah Ding jum Gơnong bruă đang hmua hăng pơđĭ kyar ƀôn lan hơdôm tơring čar, ƀôn prong ngă tui khop bruă pel ĕp, wai lăng anih anom sĭ mơdrô amăng lŏn ia, biă ñu lĕ tơlơi hơdjă gơnam ƀong huă ƀơi sang čơ phun gơnam mă mơng đang hmua, anih anom sĭ mơdrô gơnam ƀong huă, añăm hla rok, bôh troh pioh kơ Tết; pơsir hơdôm bruă ngă soh kiăng pơhlôm gơnam ƀong huă pioh blơi yu amăng tal Tết tui phiăn juăt. Lăng tui mrô gơnam hmâo hăng gơnam kiăng yua amăng tal Tết kiăng hmâo jơlan gah pơsir hmao tlôn ƀu pioh hmâo tơlơi kơƀah gơnam, đĭ nua; pơhlôm djop gơnam kiăng yua kơ mơnuih ƀôn sang hlâo, amăng hăng tơdơi kơ tal Tết tui phiăn juăt. Hrom hăng anun, pơtrut bruă bơwih ƀong huă, rô hyu, plơi sĭ hăng sĭ kơ dêh čar tač rơngiao gơnam mă mơng đang hmua amăng hơdôm hrơi pơgang, pơgăn klin Covid-19...

Siu H’ Prăk: Pơblang