VOV4.Jarai - Kơ-iăng khua dêh čar ơi Lê Văn Thành hơmâo kĭ tơlơi pơsit pơhrua hơnong pơkă akŏ bruă mă yua lŏn mơnai dêh čar rơwang thun 2021-2030, anăp nao truh thun 2050, akŏ bruă mă yua lŏn mơnai dêh čar 5 thun mơng 2021-2025. Sit biă ñu, pơhrua hơnong pơkă akŏ bruă mă yua lŏn mơnai rơwang thun 2021-2030, akŏ bruă mă yua lŏn mơnai dêh čar 5 thun 2021-2025 brơi hơdôm tơring čar, ƀôn prong, Ding jum ling tơhan, Ding jum kông ang. Hluai tui hơnong pơkă, akŏ bruă mă yua lŏn mơnai  phrâo pơhrua, Khua ding jum ling tơhan, ding jum kông ang gum hrŏm hăng Jơnum min mơnuih ƀon sang gưl tơring čar ječ ameč pơgiong bruă čih pơkra hơdră bruă mă yua lŏn mơnai gah ling tơhan rơwang thun 2021-2030. Jơnum min mơnuih ƀon sang gưl tơring čar ječ ameč pơgiong bruă pơjing akŏ bruă mă yua lŏn mơnai amăng tơring čar rơwang thun 2021-2030, prap lui akŏ bruă mă yua lŏn mơnai 5 thun 2021-2025 gưl tơring čar; akŏ pơjing hăng pơplih brakŏ bruă mă yua lŏn mơnai gưl tơring glông rơwang thun 2021-2030; djop ding jum, gơnong bruă ječ ameč pơgiong bruă pơjing akŏ bruă gơnong bruă dêh čar, dưm dăp kual, gơnong bơdjơ̆ nao mă yua lŏn mơnai pơhlôm djơ̆ hăng hơnong pơkă, ha amăng plĕ, djơ̆ hăng akŏ bruă mă yua lŏn mơnai amăng dêh čar.

Siu Đoan: Pơblang