VOV4.Jarai - Hăng rơbêh kơ 1 ektar lŏn ngă hmua pơdai hăng pla añăm djop mơta, amăng thun 2021, khă djơ̆ anô̆ bưp tơnap kơ bruă sĭ hyu yua kơ klin Covid-19, samơ̆ gơnang kơ ngă tui hơdră glon añuai, sang anô̆ K’Pin, ƀơi să Dă Ròn, tơring glông Đơn Dương (Lâm Đồng) ăt pơhlôm mơn prăk pơhrui glăi kơ sang anô̆. Rơđah biă ñu, pơđut sa thun ngă hmua, rơngiao kơ prăk yua ngă hmua hăng mă yua amăng sang anô̆, sang anô̆ ñu dô̆ dưi djă pioh hmâo rơbêh kơ 60 klăk prăk. Yua anun, tết truh ăt dưi hmâo sang anô̆ blơi prăp hơdôm gơnam kiăng yua pioh mơ-ak hrom plơi pla. Ơi K’Pin, lăi:

“Tal tết anai, sang anô̆ pla rơbêh kơ 1 ar đang bơnga, ƀu lu đơi ôh, nua lĕ tui hluai kơ nua sĭ ƀơi sang čơ, pla ƀiă pơhrui ƀiă, pla lu pơhrui lu. Rơngiao kơ ngă hmua pơdai, sang anô̆ ăt ngă dong mơn đang añăm pơtăm. Khă nua lom anai pha ra hăng lom adih, samơ̆ sang anô̆ ăt pơhrui glăi hơđong mơn. Tết truh sang anô̆ ăt pơphun kah hăng djop mơnuih pơkon mơn, hmâo hơget lĕ ta yua anun. Ăt čuh mơñŭ, bip, kŏng hơdôm bôh čeh tơpai kiăng jak iâu djop adơi ayong amăng plơi pla ƀong mơñum hrom, gum hrom mơ-ak hăng sang anô̆”./.

Siu H’ Prăk: Pơblang