Hrơi blan rơgao, tơlơi pơhing lŏn tơhlom, pơtâo toh hroh mơ̆ng čư̆ ƀơi kual Dap Kơdư ngă răm ƀăm kơtang truh djai mơnuih hăng răm rai kông ngăn mơnuih ƀôn sang. Phun ñu ba truh tơlơi truh lŏn tơhlŏm ngă hrơi blan phrâo anai, biă mă ñu kual Dap Kơdư dưi hơmâo Kơ-iăng khua ding jum kông ngăn ayuh hyiăng lŏn glai ơi Lê Công Thành pơblang rơđah, lăi pơthâo hăng khua dêh čar ƀơi mông jơnum tơđar blan 7.

Lăi pơthâo tơlơi lĕ hơmâo yua ƀơi treng čư̆, tơkai čư̆ glai klô, kyâo pơtâo rơngiă laih, lŏn ter tơkai čư̆ mơnuih ƀôn sang ngă hmua ƀu hơmâo anŏ grong pioh lŏn anun yơh lŏn dlưh răm ƀăm, tơhroh trun mơ̆ng čư̆ yua tơluč ia hơjan hlim ba truh, lu anih ƀuh tơhnal lŏn čơđang prong, lŏn buk đĭ, ngă tơpư̆ mơgơi.....Sit ƀuh tơlơi bơkơnăl djơh hăng anai, Mơnuih ƀôn sang sem lăng tơlơi pơhing tong ten pơhlôm hlâo tơlơi truh ia tơluh kơtang, lŏn tơhroh, lăi pơthâo hăng gong gai kơnuk kơna laih anun mơnuih ieo gah thâo. Ƀing tơhan djop anom bruă kơnuk kơna ăt krăo lăng tui hăng pơphun pơđuăi mơnuih ƀôn sang tơdah hơmâo tơlơi pơhŭi lŏn tơhlŏm kơñ ƀu hmao đuăi hơmâo tơlơi truh sat. Khua dêh čar ăt hơmâo hră kông điện git gai brơi krăo lăng tong ten amăng kual Dap Kơdư laih anun pơsir  tơlơi truh sat lŏn tơhlŏm ngă.