Dak Lak Innovation Hub lĕ anom bruă pơphun bơwih ƀong pơčeh phrâo blung a ƀơi Dak Lak, sa akŏ bruă mơnuih mơnam, hơmâo akŏ pơjing hăng hơnong pơkă pơtrut bruă pơphun bơwih ƀong phrâo, djru brơi hơdôm anom bơwih ƀong sĭ mơdrô pơplih pơčeh phrâo hăng pơđĭ kyar bơwih ƀong huă rơgơi amăng tơring čar, anih pơbưp nao rai ƀing pơphun bơwih ƀong phrâo hăng hơdôm anom bruă tuh pơ alin, ƀing rơgơi kơhnâo, djop khul grup pơlir hăng bruă pơphun bơwih ƀong phrâo. Anai ăt lĕ anih pơlăi nao rai hơdôm tơlơi pơčeh phrâo hăng hơdôm rơnoh djru sit nik kiăng djru brơi hơdôm anom bơwih ƀong phrâo ngă tui hơdôm tơlơi pơčeh amăng bơwih ƀong sĭ mơdrô.

Hrŏm hăng anun, anom bruă ăt lĕ anih djru lăi pơthâo brơi djop ƀon lan, jing anih čơkă tuai čuă ngui, hơdôm anom bruă tuh pơ alin nao pel ĕp gru grua, ƀudah mut hrŏm tuh pơ alin brơi hơdôm akŏ bruă ƀơi Dak Lak. Ơi Nguyễn Tuấn Hà, Kơ-iăng khua Jơnum min mơnuih ƀôn sang tơring čar Dak Lak brơi thâo, hăng tơlơi gơgrong mơng anom bơwih ƀong phrâo, tơlơi anai amra tŏ tui yak nao pơđĭ kyar phrâo amăng bruă pơphun bơwih ƀong phrâo ƀơi Dak Lak.