VOV4.Jarai - Ƀrô tal rai čuă sit nik dêh čar Việt Nam mơng Khua git gai pơ ala mơnuih ƀon sang gơnong yŭ dêh čar India Om Birla, tlam mơmŏt lơ 19/4, kông ti pơčruh ngăn rơdêh por Vietjet pơphun mông ngă lơphet pok glông por phrâo nao pơ India, hơmâo mơng Hà Nội - Mumbai, ƀôn prong Hồ Chí Minh - Mumbai, Phú Quốc - New Delhi hăng Phú Quốc - Mumbai, anai lĕ pơdah bruă tô glăi hăng pok lu dong glông por mơng anom bruă rơdêh por nao pơ dêh čar 1 klai 400 klăk čô mơnuih.

Mông lăi pơthâo bruă pok glông por phrâo nao pơ India

Bruă lăi pơthâo anai pơphun hơmâo Khua git gai pơ ala mơnuih ƀon sang dêh čar ơi Vương Đình Huệ, Khua git gai pơ ala mơnuih ƀon sang gơnong yŭ dêh čar India Om Birla, Kơ-iăng khua dêh čar ơi Lê Minh Khái nao lăng. Hơdôm glông por mơng ƀôn prong Hồ Chí Minh hăng Hà Nội nao pơ Mumbai hơmâo pok mơng lơ 2/6 hăng lơ 3/6, hăng 4 wŏt por nao rai, hăng 3 tal por nao rai amăng rĭm wŏt hrơi tơjuh. Glông por Phú Quốc - Mumbai hơmâo pok hăng 4 wŏt nao rai amăng ha wŏt hrơi tơjuh hăng glông por Phú Quốc - New Delhi hăng 3 wŏt por nao rai ha wŏt hrơi tơjuh, amra pok glông por mơng lơ 8/9 hăng 9/9.

Siu Đoan: Pơblang