Nao jơnum hrŏm hăng đĭ pơhiăp git gai tal pơplông, ơi Nguyễn Trọng Nghĩa, ding kơna ding jum kơđi čar, Khua anom pơtô bruă Ping gah dêh čar bơni kơ boh tơhnal mơ̆ Gong phun jua pơhiăp Việt Nam, djop anom bruă gong phun pơtui jua pơhiăp hăng pơdah rup tơring čar, ƀôn prong thun blan rơgao laih anun bơni kơ ƀing čih tơlơi pơhing, khul dăp hơdră, pôr jua pơhiăp hơmâo anăn ruah mă apah bơni hăng pri prong hloh tal pơplông hơdră pơtui jua pơhiăp đơ đam dêh čar ta tal 16 thun anai.

Ơi Nguyễn Trọng Nghĩa lăi rơđah, jua pơhiăp pôr amăng brô̆ đơ đam dêh čar sa amăng hơdôm mơta bruă lăng kah hăng phao kơtuang tơlơi blah ngă amăng tơlơi pơmin hơmâo mơta ƀong hloh mơ̆ng Ping gah, Kơnuk kơna; jing tơdrông tua pơtruh nao rai tơlơi pơhing, boh pơhiăp ping gah, kơnuk kơna hăng mơnuih ƀôn sang, jing anih pơhiăp nao rai, pơčrong sai pioh mơnuih ƀôn sang hmư̆ brô̆ ngă hrŏm krăo lăng, bruă wai lăng mơnuih mơnam dêh čar. Anom bruă pơtui jua pơhiăp kiăng prăp lui tañ, hmar hloh thâo pơčeh phrâo amăng bruă pơtô pơblang, pôr tơlơi pơhing kơ bruă mut phung, tơlơi hơdip mơda pơđĭ tui amăng dêh čar, amra ngă bruă mơtam hơduah ĕp tong ten hơdôm tơlơi pơhing prong, lu mơnuih đing nao, tơlơi phrâo aka thâo ƀuh hmư̆ hing, tơlơi tơnap amăng dêh čar; pôr pơthâo jơlan hơdră ping gah,  tơlơi phiăn kơnuk kơna dưi pơtruh tañ hăng djop gưl mơnuih ƀôn sang.