Ƀơi mông jơnum, ƀing khua mua hơmâo hmư̆ lăi pơthâo boh yom phun Hră pơtrun 1516 mơ̆ng Khua dêh čar, čih pơkra kĭ kơđŏm kơnôl 10/8/2026, pơtong rơđah, bruă pơgăn ngă soh glăi tơlơi pơtrun IUU lĕ sa bruă mă kơđi čar yom biă mă, ječ ameč mơ̆n, yua pơdjơ̆ nao kơnuih hing ang anăn lŏn ia, pơgang ba boh tŭ yua kơ mơnuih ƀôn sang mă akan hơdang, bruă pơkra ming hăng sĭ mơdrô laih anun anăp nao tơhnal ngă tui hơđong kơjăp gah bruă akan hơdang dêh čar.

 Akŏ bruă anai hơmâo 46 mơta bruă mă phun. Blan ngă tui ječ ameč hloh pơgăn ngă soh tơlơi pơtrun IUU dưi pok pơhai tar ƀar amăng dêh čar dơ̆ng mơ̆ng kơnôl 15/8 truh kơnôl 15/9/2026. Pơhiăp ƀơi mông jơnum, ơi Võ Văn Hưng, Kơ-iăng khua ding jum Bruă hmua hăng pơgang ayuh hyiăng, Kơ-iăng khua khul pơčrâo bruă ƀơi dêh čar pơgăn ngă soh tơlơi pơtrun IUU, lăi pơtong, bruă khua dêh čar kĭ hră pơtrun mrô 1516 hơmâo pơtong rơđah, hyu mă akan pơgăn ngă soh glăi tơlơi pơtrun IUU hăng kiăng tañ lui hĭ kak kơñĭ mơ̆ng jơnum min kual Mi kô̆ EC jing sa bruă mă kơđi čar yom phara biă mă, pơdjơ̆ nao kơnuih anăn păn dêh čar hăng anŏ pơđĭ kyar hơđong kơjăp gah anom bruă mă akan hơdang dêh čar Việt Nam.