VOV4.Jarai - Lơ 11/5, ƀơi Sang mă bruă Khua pơ ala mơnuih ƀôn sang dêh čar ta pok phun jơnum lok 11 mơng Jơnum min apăn bruă Khua pơ ala mơnuih ƀôn sang dêh čar ta. Mông jơnum anai, Jơnum min apăn bruă Khua pơ ala mơnuih ƀôn sang gum pơhiăp hăng 11 bôh yôm. Rơđah biă ñu lĕ: Lăi pơthâo glăi pơsit pơhrua nao dong bôh than ngă tui bruă pơđĭ kyar bơwih ƀong – mơnuih mơnam hăng ngăn drăp kơnuk kơna thun 2021, tơlơi pok pơhai ngă tui kơčăo bruă pơđĭ kyar bơwih ƀong – mơnuih mơnam hăng ngăn drăp kơnuk kơna hơdôm blan akô̆ thun anai; lăi pơthâo glăi bôh tơhnal lăng tui bruă pơsir, lăi glăi tơlơi rơkâo mơng mơnuih ƀôn sang mơ-ĭt kơ tal jơnum lok 2, Khua pơ ala mơnuih ƀôn sang dêh čar ta tal 15; pel ĕp tơlơi lăi pơthâo glăi bruă mơnuih ƀôn sang rơkâo mơng Khua pơ ala mơnuih ƀôn sang blan 4 thun anai. Hrom hăng anun, gum pơhiăp kơ hră čih lăi pơthâo glăi ruah mă tơlơi gum pơhiăp, rơkâo đĭ mơng mơnuih ƀôn lan hăng mơnuih ƀôn sang mơ-ĭt kơ tal jơnum lok 3, Khua pơ ala mơnuih ƀôn sang tal 15; gum pơhiăp kơ hră čih Tơlơi pơtrun pơsit mă yua tơlơi pơkă tal jơnum Khua pơ ala mơnuih ƀôn sang (pơplih pơkra); gum pơhiăp kơ bruă prăp lui tal jơnum lok 3 mơng Khua pơ ala mơnuih ƀôn sang, hăng lu bôh yôm phăn pơkon./.

Siu H’ Prăk: Pơblang