Amăng rơnoh prăk dưi hơmâo aka ƀu djop ôh tuh pơ alin kơ bruă pơkra jơlan anai, laih anun ngă tui hơdră tuh pơ alin mơnuih ƀôn sang djru hrŏm, Ding jum Jơlan glông Pơdŭ pơgiăng ngă hrŏm jơnum min mơnuih ƀôn sang tơring čar Tiền Giang lăi pơthâo laih anun Kơ-iăng Khua dêh čar tŭ ư hăng Ding jum Jơlan glông Pơdŭ pơgiăng kơsem min tuh pơ alin pok pơhư prong jơlan rơdêh đuăi hmar ƀôn prong Hồ Chí Minh-Trung Lương-Mỹ Thuận tui hơdră pơčruh ngăn PPP.

Tui hăng anun, jơlan anai dưi pơkra glông ataih 91 km, prong păng djop mơ̆ng 6-8 boh rơdêh nao sa glông, djơ̆ găl hăng atur jơlan prong khom čuk pơklaih ala lŏn, duh glăi kơ mơnuih ƀôn sang lu prăk. Klah čun ƀơi mông jơnum, Kơ-iăng Khua dêh čar ơi Trần Hồng Hà jao kơ Ding jum Jơlan glông Pơdŭ pơgiăng lăi pơthâo djop tum teč kơčăo bruă anai, pok pơhư prong jơlan rơdêh đuăi hmar mơ̆ng ƀôn prong Hồ Chí Minh-Trung Lương-Mỹ Thuận; sem glăi pơtô brơi djop tơring čar ruah mă sang bruă tuh pơ alin tui hăng tơlơi phiăn phrâo, kơnuk kơna hăng mơnuih ƀôn sang ngă hrŏm mơ̆ng lơ 1/1/2025, hơdră jao tla glăi kông ngăn dram gơnam mơ̆ng rơnoh prăk tuh pơ alin kơ bruă čar abih kơčăo bruă čuk pơkra jơlan.