Khua pơ ala mơnuih ƀôn sang dêh čar kiăng pơsit rơđah anom bruă ƀơi gơgrong bruă tuč rơnuč ñu. Ñu ăt kiăng ngă rơđah bruă hơget thơ Kơnuk kơna sem lăng hlâo, bruă hơget thơ sang bruă bơwih ƀong gơgrong mă pô, bruă hơget thơ sem lăng glăi tuč rơnuč. Khua pơ ala mơnuih ƀôn sang dêh čar lăi kiăng pơkă rơđah hơnong pơkă kah phara anŏ amuñ ngă soh hloh amăng Tơlơi phiăn ƀudah jao kơ Kơnuk kơna ngă hră tui hră čih anăn mơ̆ng sa mơta bruă, hŭi hyu ngă mă ča čot.

Khua pơ ala mơnuih ƀôn sang dêh čar lăi dlăm, Tơlơi phiăn hơdjă mơnong ƀong huă (pơkra glăi) lơ̆m hơmâo hră pơtrun khŏm dưi lăi glăi 3 tơlơi tơña. Sa lĕ, gơnam ƀong huă ba sĭ pơ mơnuih blơi hơdjă rơgoh mơn hă? Dua lĕ sang bruă mơdrô kiăo tui klă, aset ƀiă mơn hră pơ-ar? Klâo lĕ, lơ̆m hơmâo tơlơi truh hơget thơ, dưi mơn ĕp ƀuh anih blơi, pơsit rơđah tơlơi gwogrong bruă hăng pơsir kơđi tañ mơn hă ƀô̆? Ñu ăt rơkâo mơn hơdôm anom bruă pơtŏng rơđah glăi djŏp mơta đa mơ̆ng tañ čih pơkra giong tơlơi phiăn, ba pơčrông sai ƀơi mông jơnum khua pơ ala gơgrong sa mơta bruă, laih anun ba pơdah pơ mông Jơnum lok 3 mơ̆ng Khua mua pơ ala mơnuih ƀôn sang dêh čar./.